Veitingar í Laugarás Lagoon | Fyrsta flokks matarupplifun á Suðurlandi

Ljúft flæði bragðanna

Máltíðin er órjúfanlegur hluti af upplifuninni í Laugarás Lagoon. Á veitingastaðnum Ylju leiðir Gísli Matt eldhúsið en hann er einn fremsti matreiðslumaður landsins og hvað þekktastur fyrir Slippinn í Vestmannaeyjum. Á Ylju skapar hann árstíðabundna rétti þar sem nútímalegar aðferðir mæta íslenskum matarhefðum. Með hráefni úr nærumhverfinu, fiskmeti og landbúnaðarvörum úr héraði og grænmeti úr gróðurhúsunum, tengir hann gesti við staðinn, árstíðina og menninguna.

Dagsmatseðill

Tveggja rétta dagsmatseðill, fullkominn fyrir gesti sem eru á ferðinni yfir daginn.

Dagsmatseðill

Hópamatseðill

Hópamatseðlar fyrir 10 manns eða fleiri má finna hér.

Hópamatseðill

Kvöldmatseðill

Gestir geta átt von á úrvali sjávarrétta, kjötrétta og grænmetisrétta. Hægt er að para matinn með vel völdum vínum.

Kvöldmatseðill

Gísli Matt mótar einstaka upplifun á Ylju

Gísli Matthías Auðunsson, betur þekktur sem Gísli Matt, er einn af virtustu matreiðslumönnum landsins.
Áður en hann gekk til liðs við veitingastaðinn Ylju var hann hvað þekktastur fyrir veitingastaðinn Slippinn í Vestmannaeyjum.

Á Ylju sameinar Gísli ástríðu sína fyrir nútímalegum aðferðum og dekri við bragðlauka með klassískum íslenskum hráefnum og hefðum. Þannig skapar hann upplifun sem tengir gesti við staðinn, árstíðina og menninguna.

Skoða matseðla

Samvinna við samfélagið í Laugarási

Við leggjum áherslu á náið samstarf við þorpið Laugarás.
Veitingastaðurinn Ylja er stoltur af því að fá hráefni frá gróðurhúsum og býlum nágranna okkar því þannig fá gestir innsýn í ekta, staðbundna upplifun sem á rætur í náttúru og nærumhverfi.

Einkarými til leigu

Innan um kyrrláta stemningu á veitingastaðnum Ylja, bjóðum við upp á hlýlegt og fallega hannað rými fyrir ýmis tilefni.
Hvort sem um er að ræða matarupplifun fyrir hópa, fundi eða móttöku, þá er rýmið sveigjanlegt og hægt að aðlaga því að tilefninu.

Nánar um rýmið